لكل بنت باقي في بيت أبيها
أرجوووووس استمتعي على قد ما تقدرين ...
١- ارقدي كثيييير
و اذا اصحيتي ارتاحي شوي
و بعدين كملي نوم ..
اختمي ١٢ساعة نوم
وإذا أحد صحاس من النوم
ارجعي عيدي من الأول ..
بكره اذا تزوجتي و صار عندس عيال
مارح تعرفين ترمشين
مو بس ترقدين
بتتحولين لزومبي عايش بالبيت
٢-اي شي يوجعس
اجري عند الدكتور
و تطمني على نفسس
ولا تهملين صحتس
استمتعي بنعمة
انس قادرة تحددين للدكتور
مكان الوجع ..
بعد ما تتزوجين
و يصير عندس عيال
مارح تقدرين تحددين
الوجع جاي منين بالضبط
لأن كل
قطعة في جسمس
تكون مسويه مع الثانية
سيمفونية أوجاع
٣- قد ما تقدرين
كلمي صديقاتس
و زوريهم
و بعد الزيارة
ارجعوا كلموا بعض ..
لأنه بعد ما تتزوجين
و يصير عندس عيال
رح تنسين اشكال صديقاتس
و لما تفكرين تكلمينهم تلفون
رح يكون نص الكلام معها
والنص الثاني
( روح غسل يدك .. إش طاح عالأرض .. وطي صوت التلفزيون .. كمل دروسك ..
ااااه معس انا معس 😏
و اذا كان ولد صغير
((اخذيه يبغى يكلمس..
وهو يتنفس في اذن صديقتس
لا راضي يتكلم
ولا راضي يعطيس السماعة ))
٤-اكلي كلش
لأن بكرة بس تتزوجين
و تخلفين
رح يكون الأكل قدامس
وانتي قاعدة
عينش تشوفه
بس منتظره دورس
ااايوه دورس لا تستغربين
٥-اشربي شاهي كثير
قد ما تقدرين
قبل الأكل
و بعد الأكل
و بوسط الأكل ..
لأنش بعد الزواج و الخلفه
كاسة الشاهي
بالنسبة لس
يا باردة
يا رح تنكب عليس حارة
يا أحد يشاركس فيها ويغمس بسكوت
و فجأة تتعكر
هي ومزاجس سوا ..
٦- قضي نص يومش بالحمام
لاتستعجلين
خذي كتبس و جوالس
وقضي الويكند بالحمام ..
لأن بعدما تتزوجين و تخلفين
رح تروحين الحمام بأعجوبة
و يا ليت لحالس
رح يكون معش ولد داخل
و إثنين واقفين على الباب
وكأنس ماخذه
تصريح دخول الحمام
تحت المراقبة 😂🤣
ليست هناك تعليقات:
إرسال تعليق